Жаңалық 22 қыркүйек 2026
Фарер аралдары құрамасының қорғаушысы Қазақстанмен матчтар алдында пікір білдірді
Фото: sports.kz
Итальяндық «Эллас Верона» қорғаушысы Андриас Эдмундссон УЕФА Ұлттар лигасында Қазақстан құрамасына қарсы өтетін матчтар қарсаңында алдағы турнирге қатысты пікірін ортаға салды.
Эдмундссон Фарер аралдары құрамасының Ұлттар лигасы алдындағы тұңғыш жаттығуына қатысты. Топта фарерліктердің қарсыластары — Қазақстан, Словакия және Молдова құрамалары.
«Біз, әрине, барынша көп ұпай жинауға тырысамыз, жоғарғы орындар үшін күресеміз деп үміттенеміз», — деді ол.
Фарер аралдары бірінші матчын Қазақстанға қарсы 26 қыркүйекте Торсхавндағы «Торсвёллур» стадионында өткізеді, кездесу Астана уақыты бойынша 21:00-де басталады. Одан кейін 29 қыркүйекте Кишиневте Молдовамен, 2 қазанда Словакиямен сынға түседі. Ал соңғы, төртінші матчында фарерліктер 6 қазанда Астанада Қазақстан құрамасымен қайта кездеседі.
Тағы оқыңыз
Дереккөздер: www.sports.kz