Хусановты жақсы білетін қазақстандық ойыншы: Онда жұлдыз ауруы мүлдем жоқ

25 жастағы Зұлфиқаровтың айтуынша, ол Хусановпен 2021 жылы Минскідегі «Энергетик» клубында танысқан. «Абдукодир команда құрамында болды, бірақ ФИФА регламенті бойынша оның жасы 18-ге толмағандықтан, клуб оны ресми түрде мәлімдей алмады. Сол кезде біз бір үйде тұрдық, жаттығуға бірге бардық, тұрмысты бөлістік. Ол — менің жақын досым», — деді Зұлфиқаров.

Оның айтуынша, Хусановта жұлдыз ауруы мүлдем жоқ. «Ол өте мейірімді, ашық адам. Қарапайым ортадан шыққан қарапайым жігіт», — деді ол.

Хусанов 2023 жылдың жазында француздың «Ланс» клубына ауысқан. 2025 жылдың қаңтарында ол 40 миллион еуроға «Манчестер Ситиге» қосылды. Ағымдағы маусымда ағылшын клубының құрамында 6 матч өткізіп, Англия кубогі мен Англия лигасы кубогінің иегері атанды.

Зұлфиқаров «Ұлытау» құрамында ағымдағы маусымның ортасынан бері ойнап жүр, 12 матчта 5 гол соғып, бір нәтижелі пас берді.