Жуковский «Қайсар» бапкерінің сынына жауап қатты: «Тәжірибесі жетіспейді»
Кездесуде «Қызылжар» 85-минутта Агостиньо Азеведодан гол жіберді. Екі клуб та турнир кестесінің төменгі жағында, небәрі бір ұпай айырмашылықпен орналасқан.
«Қайсар» бапкерінің алаңда бір ғана команда ойнады деген пікірімен Жуковский келіспеді. «Әріптесім алаңда бір ғана команда болды деді, бірақ, мүмкін, оның тәжірибесі жетіспейтін шығар, себебі ол Премьер-Лигада бас бапкер болып жұмыс істеген емес», — деді ол.
Жуковский команданы маусым ортасында қабылдағанын еске сала отырып, қысымның бар екенін жасырмады: «Белгілі бір қысым бар екені көрініп тұр. Мен мұны жақсы түсінемін — жұмыс істеп жүрсің, текшелерді жинап жүрсің, ал алдыңда қаруын кезенген біреу тұрған сияқты, кез келген сәтте, тіпті осы жерде де соңғы матчың болуы мүмкін екенін сезінесің».
Бапкер команданың кадр мәселесіне де тоқталды: жарақат алған қорғаушылар Козленко мен Керімжанов құрамда жоқ. «Тіпті таза орталық қорғаушы да жоқ. Жоқ дегеніміз — жоқ», — деді Жуковский.
