Жаңалық 18 қыркүйек 2026
Кенжебек қосалқыда қалды: Черчесовтың «Ахматы» «Акроннан» ұтылды
Ресей премьер-лигасының 9-турында грозныйлық «Ахмат» қонақта тольяттилік «Акроннан» 0:2 есебімен ұтылды. Кездесуде қазақстандық жартылай қорғаушы Ғалымжан Кенжебек қосалқы құрамда қалды, ал Максим Самородов бастапқы құрамда шығып, алаңда 86 минут болды.
Матчтан кейін «Ахмат» бапкері Станислав Черчесов команданың ойынға дұрыс кірісе алмағанын мойындады.
«Ойынға кірісе алмадық, гол соғып едік, бірақ ол есептелмей қалды. Қарсылас бірінші таймда бізден агрессивті әрі жинақы ойнады, ал біз қолға түскен сәттерімізді пайдалана алмадық», — деді ол.
Тағы оқыңыз
Черчесов «Ахматтың» Ресей кубогындағы жеңілісін түсіндірді: «Кубоктық көзқарас байқалмады»
Бапкердің айтуынша, команда есепті 1:0 деңгейінде ұзақ уақыт ұстап тұрды, бірақ финалдық ысқырыққа 10 минут қалғанда екі шабуылшыға көшкен тактикалық өзгеріс сәтсіз аяқталды.
«Қорғанысты ашқан сәтте қарсылас мұны пайдаланады. Біз мұны матчтың ортасында емес, соңында жасадық», — деп түсіндірді Черчесов.
Жеңілістен кейін «Ахмат» тоғыз турдан соң 10 ұпаймен қалды.
Тағы оқыңыз
Дереккөздер: www.sports.kz