Астанов: Словакияға қарсы ойнау — менің сүйікті кездесуім

Ұлттық құраманы Джон ван'т Схип басқарады. Құрама күзде Ұлттар лигасы аясында төрт матч өткізеді: 26 қыркүйекте Фарер аралдарымен қонақта, 29 қыркүйекте Словакиямен қонақта, 2 қазанда Молдовамен үйде, ал 6 қазанда Астанада қайтадан Фарер аралдарымен кездеседі.

Құрамаға қайта оралған Астанов бұған дейінгі Словакиямен ойындарын жылы еске алды.

«Рахмет. Құрамаға оралғаныма қатты қуаныштымын. Пайдам тиер деп үміттенемін. Тағы да сол Словакия. Меніңше, ол — менің сүйікті қарсыласым. Бірінші матчта нәтижелі пас бердім, үйде гол соқтым. Енді қалай өрбитінін көрейік», — деді Астанов.

Бұрын ресми матчтарда ойнап үлгерген Жасұлан Әмір де көңіл-күйінің көтеріңкі екенін айтты.

«Көңіл-күй керемет. Құрамаға қосылдым. Негізгі тізімге еніп, ресми матчтарда ойнап үлгергеніме қуаныштымын», — деді Әмір.