Жаңалық 16 қыркүйек 2026
ҚФФ мамандары Бішкектегі ФИФА семинарына қатысты
Бішкекте 15–19 қыркүйек аралығында ФИФА-ның Talent Development Scheme бағдарламасы аясында халықаралық семинар өтіп жатыр. Іс-шараға Қазақстан футбол федерациясының мамандары да қатысып отыр.
Бес күнге созылған семинар жас футбол таланттарын дамытуға арналған. Онда ФИФА сарапшылары перспективалы ойыншыларды іздеу мен анықтаудың заманауи тәсілдерін, сондай-ақ элиталық жасөспірімдер футболын дамыту жолдарын үйретеді.
Қазақстан федерациясынан семинарға техникалық директор Геннадий Скуртул, элиталық жасөспірімдер футболы және таланттарды анықтау департаментінің директоры Тимур Құсайынов, Қазақстанның U-17 құрамасының бас бапкері Русланжан Раимбакиев, оның ассистенті Искандар Геймат, U-16 құрамасы бас бапкерінің ассистенті Рустам Фардиев қатысып отыр.
Семинарға Қырғызстан, Өзбекстан, Түрікменстан, Тәжікстан, Грузия, Беларусь және Молдова футбол федерацияларының өкілдері де тартылған.
Тағы оқыңыз
Дереккөздер: amanvibe.kz