Мұхамедханов «Оқжетпеспен» келісімшартын 2028 жылға дейін ұзартты
Ағымдағы маусымда Мұхамедханов 23 матчта өнер көрсетіп, 3 гол соғып, 3 нәтижелі пас берді.
AmanVIBE дереккөзінің мәліметінше, жазғы трансфер терезесінің соңғы күнінде жартылай қорғаушыға сол кезде ҚПЛ-де көш бастап тұрған клуб қызығушылық танытқан. Дегенмен «Оқжетпес» басшылығы ойыншының кетуіне жол бермеген.
«Менің мәліметімше, тараптар арасындағы жаңа келісім 2028 жылдың соңына дейін жасалған. Мұхамедханов жарқын маусым өткізіп жүр және ол ҚПЛ-дегі көзге түскен жас ойыншылардың бірі», — деп жазды AmanVIBE.
Оның айтуынша, жаңа келісімшартта ойыншының трансферіне қатысты елеулі баптар қарастырылған.
Қазіргі таңда «Оқжетпес» 25 матчтан кейін 42 ұпай жинап, ҚПЛ-2026 кестесінде төртінші орында тұр. Турнир көшін 58 ұпаймен шымкенттік «Ордабасы» бастап тұр.
