Карлос Эспи қосымша уақытта гол соғып, «Реал Мадридке» жеңіс сыйлады

Кездесудің бірінші жартысында «Реал» 2:0 есебімен алда болды. Алайда екінші таймда «Эльче» есепті 2:2-ге теңестірді. Дегенмен матчтың қосымша уақытында Карлос Эспи дәл соққысымен командасына жеңіс сыйлады. Голге нәтижелі пас берген — Килиан Мбаппе, ал шешуші шабуылға Джуд Беллингем де атсалысты.

Матчтан кейін Эспи «Реал Мадрид ТВ»-ге сөйлеп, қуанышын жасырмады.

«Мен өте бақыттымын, дүниедегі ең бақытты адаммын», — деді ол.

«Мен командаға қалай көмектесе алсам, соны істеп жүрмін, алаңға шыққан сайын бар күшімді саламын. Мұнымен тоқтап қалмаймыз, алда жексенбі бар. Бұл — бәріміздің жетістігіміз», — деп қосты футболшы.

Еске сала кетейік, Эспи маусымның алғашқы ресми матчында «Эспаньолға» қарсы да жеңісті гол соққан болатын. Мбаппенің ойынына тоқталған Эспи: «Оның жаттығуын, ойнауын көру — ғажап нәрсе. Бұл жолы ол маған гол үшін пас берді, мен оған да ризамын», — деді.

Футболшы алдағы дербиге қатысты да пікір білдірді: «Осыны асыға күтіп жүрмін, көңіл-күйім тым толқулы. Бұл — мұндағы алғашқы дербиім, барлық күшімізді саламыз».