Моуринью: «Пенальти туралы неге ешкім сұрақ қоймайды?»

«Барселона» өз алаңында «Леванте» клубын 4:2 есебімен жеңді. Каталондықтардың есебін ашқан 11 метрлік айып добын Ламин Ямаль дәл орындады, ал айып добы қорғаушы Аисса Мандидің ойыншыны құлатқаны үшін тағайындалған болатын.

Сол күні «Атлетико Мадрид» өз алаңында «Реал Сосьедадты» 3:0 есебімен жеңіп шықты. 84-минутта тағайындалған 11 метрлік айып добын Алехандро Гримальдо іске асырды — соққы Джоб Очиенгтің қолмен ойнағаны үшін берілген еді. «Сосьедад» бапкері Пеллегрино Матараццо бұл шешіммен келіспей, дауласты.

«Пенальти туралы сұрақ жоқ па? Бұл біртүрлі емес пе?» — деді Моуринью баспасөз мәслихатында.

Бапкер бұған дейін де төрешілер шешіміне күмән келтірген еді: «Реал Бетистен» жеңілген кездесуде Килиан Мбаппеге қайталап соққы жасауға рұқсат етілмегеніне наразылық білдірген болатын. Алайда Испанияның төрешілер комитеті (CTA) апталық шолуында бұл шешімді дұрыс деп таныды.

Моуринью сондай-ақ сенбіде «Райо Вальекаломен» кездесуде алмастыруға шыққан Арда Гюлерге жоғары баға берді.

«Оның физикалық тұрғыдан қалай өзгергенін менен гөрі жақсы білетіндер бар. Бірақ мен үшін оның сапасы керемет: көру қабілеті, шешім қабылдауы, командаға беретін тұрақтылығы мен креативтілігі. Оның әлеуеті фантастикалық... «топ, топ, топ» деп үш рет айтқым келмейді, бірақ «топ, топ» деп нақты айта аламын», — деді ол.

Ойыншылардың келесі кездесуге дайындығы туралы да Моуринью пікірін білдірді: «Матчтар арасында небәрі екі күн бар, сондықтан олардың өздерін қалай сезінетінін бағалау, медициналық қызметкерлерді тыңдау және жаттығу деректеріне қарау маңызды. Содан кейін бүгін мен ертеңнің арасында шешім қабылдаймыз. Бірақ мүмкіндік болса, мәселе болмаса, оларды ойнатамын».

Команда сейсенбіде «Эльчемен» кездеседі.