«Барселонаның» жаңа легионері Гордон: Бізді тоқтату қиын болады
«Мен өте риза болып отырмын. Біз нені істей алатынымызды білеміз. Меніңше, бізді голдан тоқтату өте қиын болады», — деді 25 жастағы футболшы.
«Барселона» жаңа маусымның алғашқы алты матчын жеңіспен өткізіп, осы кездесулерде 26 гол соғып үлгерді. Гордонның өзі бес турдан кейін бес нәтижелі пас жасағанымен, әзірге бірде-бір гол соға алған жоқ.
Ойыншының айтуынша, командада голдар кез келген позициядан келуі мүмкін. «Сол күні қорғаушы Хави Эспарт та гол соқты. Мұндай команданың болуы әлдеқайда қауіпті», — деп атап өтті ол.
Гордон командадағы шабуыл сызығын да мақтады: «Бізде әртүрлі сипаттағы ойыншылар бар — Фермин мен Дани Олмо екеуі де ондықта ойнайды, бірақ мүлде басқаша. Ламин кез келген позицияда ойнай алады, Рафиньяның профилі бөлек. Карим де, мен де солаймыз. Кез келген қорғанысты аша аламыз».
Жазда Феррон Торрес, Маркус Рашфорд және Роберт Левандовски клубтан кеткенін еске алған Гордон: «Кейбір керемет ойыншылардың кеткенін білемін, бірақ біз де жақсы футболшылар алдық. Енді біз шынымен де өзімізді команда деп сезінеміз», — деді.
Бапкер Ханси Флик басқаратын клубтың нәтижесіне қатысты Гордон күтпеген жайт болғанын да жасырмады: «Әр матчты ұтамыз деп күткенмін, бірақ бес-бестен гол соғамыз деп ойламағанмын. Мұны күтпегенімді мойындауым керек».
Сұхбат соңында ойыншы алдағы кездесулерге назар аударды: «Үзіліске дейін екі қиын матч бар, біз алдымен біріншісіне назар аударуымыз керек. Осы уақытқа дейін табысты болғанымыздың себебі — тыныштанып қалмағанымыз. Аяусыз, үстем болдық, солай жалғастыруымыз керек».
