Самородов пен Кенжебек «Ахмат» құрамында «Динамо Махачкалаға» қарсы шығады

Матч 13 қыркүйекте, жексенбіде, «Ахмат Арена» стадионында өтеді. Трансляция Қазақстан уақытымен 16:30-да басталады.

7 турдан кейін «Ахмат» 7 ұпай, ал «Динамо Махачкала» 12 ұпай жинады. «Ахмат» соңғы матчында қонақта «Рубин Казаньмен» 1:1 тең түссе, «Динамо Махачкала» өз алаңында «Родина Москваны» 2:0 есебімен жеңді. Екі команданың мамыр айындағы соңғы кездесуі де 1:1 тең аяқталған болатын.

«Ахмат» сапындағы шабуылшы Самородов ағымдағы маусымда 8 матч өткізіп, 1 гол соқты. Жартылай қорғаушы Кенжебек 5 матчта гол да, нәтижелі пас та жазбады.