Кажуколовас: «Проблема болса да, ол ұжым ішінде қалады»

Шымкенттегі Орталық стадионда өткен қпл-ның 26-турындағы кездесуде жалғыз голды 78-минутта Жасұлан Әмір соққан. Осы жеңістен кейін «Ордабасы» 58 ұпаймен турнир кестесінің бірінші орнына көтерілді, «Астана» үшінші сатыда қалды.

«Мұны шоғырлануды жоғалту деп атауға бола ма, білмеймін. Бұл — футбол, кейде осылай болады. Бәрі өте тез өтіп кетті», — деді Кажуколовас жеңіліс туралы.

Қорғаушы клубтың қаржылық қиындықтары туралы да ашық сөйледі: «Бәрі интернеттен бәрін біледі. Бірақ ойымша, команда әрдайым жақсы көңіл-күйде болады. Қандай проблема болса да, ол ұжым ішінде қалады». Айта кетейік, «Астана» клубы барлық қарызын өтеген.

Сондай-ақ ойыншы ұзақ үзілістен кейін алаңға қайта оралғанына қуанышты екенін жеткізді: «Форманы қалпына келтіру шынымен қиын болды». Маусым басында арқасынан жарақат алған Кажуколовас алдағы «Қайратпен» кездесуге де назар аударды: «Біз әр ойында күресуге дайынбыз. Бұл біз үшін әрдайым үлкен матч».