Фоден қызыл карточка алды: «Ливерпульге» қарсы ойынға шықпай қалуы мүмкін

Төреші Майкл Оливер 47-нөмірлі Фоденді алаңнан қуды — футболшы Бруно Фернандештің денесіне тепкендей әрекет жасады. Шешімді ВАР де растады.

«Бұл маған анық қызыл карточка болып көрінеді. Артық қимыл секілді. «Манчестер Ситидің» 47-нөмірлі ойыншысына берілген қызыл карточканы растаймын», — делінген ВАР арнасында.

Оливердің өзі де түсініктеме берді: «Қызыл карточка — Фил Фоденге. Бруноның денесіне тепкен қимылы үшін».

«Өрескел ойын» үшін берілетін мұндай қызыл карточка әдетте үш матчтық дисквалификацияға әкеледі. Растала қалса, Фоден «Норвич Ситиге» қарсы Лига кубогы, «Сандерленд» және «Ливерпульге» қарсы Премьер-лига кездесулерінде алаңға шыға алмайды. «Манчестер Сити» шешімге апелляция бере алады, дегенмен клубтар мұны сирек қолданады.

Еске сала кетейік, «Ливерпуль» жаңа маусымды бір жеңіс, үш тең ойынмен бастады.