Жуковский: Команда жеңілсе, жауапкершілік бас бапкерге жүктеледі

Матчтан кейін «Қызылжардың» бас бапкері Виталий Жуковский өз бағасын берді.

«Жақсы матч болды. Екі жақтан да шабуыл көп, голдық сәт көп болды. Маған солай көрінді, өйткені мен «Қызылжардың» бапкерімін ғой, бізде сәт сәл көбірек болған сияқты», — деді ол.

Бапкердің айтуынша, жеңіліс ауыр тиген. «Ауыр жеңіліс, солай айтайын. Бізде белгілі бір проблема бар екенін түсінеміз», — деді Жуковский. Оның сөзінше, клуб басшылығы да жеңілісті ауыр қабылдаған.

«Басшылықтың қалай қабылдап отырғанын көріп, сезіп тұрмын. Бапкерлер бөлмесінде оңай емес әңгіме болған шығар, бірақ реакция түсінікті», — деді ол. Бапкер жеңіліс үшін жауапкершілікті өзіне алатынын жеткізді. «Команда жеңілсе, бұл — бас бапкердің жауапкершілігі», — деді Жуковский.

Осы жеңілістен кейін «Қызылжар» 25 матчтан соң 23 ұпаймен турнир кестесінде 13-орында тұр.