Жаңалық 12 қыркүйек 2026
«Ипсвич Таун» 2001 жылдан бергі қара сериясын үзді: Флемминг 90-минутта жеңіс сыйлады
Фото: burnleyexpress.net
Ағылшын премьер-лигасының кездесуінде «Ипсвич Таун» «Селхерст Парк» стадионында «Кристал Пэласты» 3:2 есебімен жеңді.
Матчта алдымен «Кристал Пэлас» есеп ашты — голды Анан Халаили соқты. Бірақ «Ипсвич Таун» жауап беруден тайынбады: Эмерсонн мен Лейф Дэвис командасын алға шығарды. Йорген Странд Ларсен «Кристал Пэлас» үшін тағы бір гол соққанымен, қонақтарды тоқтата алмады.
Шешуші сәт кездесудің 90-минутында орын алды — Зиан Флемминг дәл соққысымен «Ипсвичке» жеңіс сыйлады. Бұған қоса, «Кристал Пэлас» ойынды 10 адаммен аяқтауға мәжбүр болды.
Тағы оқыңыз
20 миллион фунтқа ауысқан Флемминг «Ливерпульге» қарсы дебютті асыға күтіп жүр
Бұл жеңіс «Ипсвич Таун» үшін бірнеше жағынан тарихи болды. Клуб 2025 жылдың сәуірінен бергі тұңғыш көшпелі жеңісіне қол жеткізді. Сонымен қатар команда 2001 жылдың желтоқсанынан бері созылып келе жатқан, алдымен гол жіберген жағдайда жеңіске жете алмаған 32 матчтық сериясын үзді.
«Ипсвич Таунды» Гари О'Нил жаттықтырады.
Тағы оқыңыз
Дереккөздер: www.skysports.com