Гаттузо: Тавареш — «Реал Мадридке» лайық ойыншы

«Тавареш «Реал Мадридке» лайық деп әрдайым айтамын. Оның бәрі бар — жылдамдық, оң аяқ, сол аяқ. Ол ерекше ойыншы, бірақ матчтан кейін демалуы қажет. Дегенмен ол жақсы жігіт, оның көңіліне жол тауып, түсіндіру керек», — деді Гаттузо.

Бапкер футболшыны ата-анасынан ерте айырылып, үлкен мұраға ие болған, бірақ бес жылда бәрін жоғалтқан адаммен салыстырды.

Тавареш мансабында «Бенфика», «Арсенал», «Олимпик Марсель» клубтарында ойнаған, қазір «Лацио» құрамында өнер көрсетеді.

Гаттузо сондай-ақ команданың Италия кубогының бірінші айналымынан шығып қалғанын еске алып, ойыншылардан құштарлықпен ойнауды талап етті. «Мен газет оқымаймын, солай жақсырақ — жұмысыма шоғырланамын. Мен «Милан» клубында мансап жасадым, қасымда чемпиондар болды, бұл көп нәрсені жеңілдетті», — деді ол.

«Лацио» мен «Милан» кездесуі Римдегі «Стадио Олимпико» стадионында өтеді, қарсылас құрамында Чуквуезе де бар.