Эсатов: 11 метрлік айып добы жоспарымызды бұзды

Бапкердің айтуынша, бірінші таймда команда қарсыластың шабуылын, әсіресе сол қанаттан келген қауіпті сәттерді бақылауда ұстаған. «0:0 есебінде сәт болды, бірақ оны пайдаланбадық. Ондай жағдай да болады», — деді ол.

Оның сөзінше, матчтың барысын 11 метрлік айып добы өзгертіп жіберген. «Гол жіберіп алсақ та, екінші таймда шабуылшымызда есепті теңестіретін жақсы сәт болды. Оны пайдаланбай, тағы гол жіберіп алдық. Схема мен құрылымды бірден өзгертуге тура келді, бұл да голмен аяқталды», — деп түсіндірді Эсатов.

Бапкер ойыншыларының жанкештілігі үшін алғыс айтты.

Кездесу 26-турда өтіп, «Ақтөбе» қонақта жеңіске жетті. Осы жеңістен кейін «Ақтөбе» 25 матчтан 41 ұпай жинап, турнир кестесінде бесінші орында тұр. «Каспий» болса 26 ұпаймен оныншы орында келеді.