19 жастағы Мастантуоно «Фиорентина» тарихындағы ең жас хет-трик авторы атанды

Матч 4:2 есебімен «Фиорентинаның» пайдасына аяқталды. Бұл жеңіс — Паоло Ванолидің бапкер ретіндегі екінші дебютінде команда үшін ағымдағы маусымдағы алғашқы жеңіс.

«Мен үшін мұндай беделді клубтың тарихына енгенім — үлкен құрмет», — деді Мастантуоно матчтан кейін.

«Бүгін нәтиже алу маңызды еді, біз керемет ойын көрсеттік. Голдарымнан бөлек, жеңіске де риза болып отырмын», — деп қосты ол.

Аргентиналық футболшы «Реал Мадридке» бір жыл бұрын «Ривер Плейттен» 45 миллион еуроға ауысқан. Өткен маусымда ол «Реал» құрамында барлық турнирде 35 матч өткізіп, үш гол соғып, бір рет нәтижелі пас берді. Ал «Фиорентинаға» ол осы жылдың тамызында сатып алу құқығынсыз жалдау шартымен ауысқан болатын.