Каррик: Былтыр дербиде жеңдік, бірақ бәрін қайталамаймыз

Бапкердің айтуынша, шабуыл желісінде Матеус Кунья мен Бенжамин Шешконың арасындағы таңдау қарсыласқа және команданың тактикалық балансына байланысты болмақ. «Екеуі де әртүрлі қауіп төндіреді, кімнің ойнайтыны қарсыласқа және біз шабуыл жасағымыз келетін кеңістікке қарай анықталады», — деді Каррик.

Бапкер жексенбідегі матчта ойнаған Маркус Рашфордты да ерекше атап өтті: «Ол шынымен де қауіп төндірді, тек сәттілік жетіспеді». Каррик барлық ойыншыны сергек ұстауға тырысатынын жеткізді.

Ортаңғы желіге Юри Тилеманс жазда команда сапына қосылды, ал Андрей Саньос пен Мейсон Маунт та осы позицияда өнер көрсетеді. «Юри керемет бейімделді, Андрей де жақсы бейімделді. Маунтқа бұрынғыдан сәл өзгеше тапсырма беріп жүрміз, бірақ ол да оны орындай алады», — деді бапкер.

«Манчестер Юнайтедтің» өткен жылғы дербиде жеңіске жеткенін еске салған Каррик: «Былтыр жеңдік, бірақ бәрін бірдей қайталамаймыз. Бұл — маңызды матч, оған дайынбыз», — деді.

Бапкер өз лауазымына келген күннен бастап клубтың ұзақ мерзімді дамуын жоспарлап келе жатқанын да айтты.