«Халл Сити» жанкүйерлерінің гомофобтық ұрандары үшін 30 мың фунт айыппұл төлейді
Оқиға MKM стадионында өткен кездесу барысында болған. Матч кезінде дала дикторы жанкүйерлерге ұрандауды тоқтатуды бірнеше рет ескертсе, экрандарда да тиісті хабарландырулар шықты. Дегенмен гомофобтық ұрандауға қатысқаны үшін үш адам ұсталды.
Федерация «Халл Ситиге» көрермендердің жыныстық бағдарға қатысты қорлаушы тіл қолданбауын қамтамасыз етпегені үшін айып тақты. Клубтың үш жанкүйеріне кемінде үш жылға тыйым салынды.
«Халл Сити» жауапты жанкүйерлер тарапынан айтылған қорлаушы әрі орынсыз сөздерді барынша қатаң түрде айыптайды», — делінген клубтың мәлімдемесінде. Клуб сондай-ақ бұл ұранды гомофобтық қорлау деп танитынын және оның өшпенділік негізіндегі қылмыс болуы мүмкін екенін мойындады.
«Сенбіде «Стэмфорд Бриджге» сапар шегер алдында клуб барша жанкүйерге кез келген түрдегі кемсітушілікке мүлдем жол берілмейтінін еске салады», — деп қосты «Халл Сити». Аталған кездесуде «Халл Сити» Премьер-лига аясында лондондық «Челсиге» қарсы шығады.
