Ливерпуль, Арсенал, Челси және Ювентус 17 жастағы швед шабуылшысына көз тікті

Дереккөз мәліметінше, Стокгольмдегі AIK матчтарында соңғы кезде «Арсенал», «Челси», «Ливерпуль» және «Ювентус» клубтарының скауттары байқалған.

«Арсенал» AIK жасөспірімі Кевин Филлингті ықтимал «жоба ретінде» қадағалап жүр, оған «Челси», «Ливерпуль» мен «Ювентус» те қызығушылық танытып отыр», — делінген Caught Offside материалында.

2008 жылы туған Филлинг биылғы маусымда AIK құрамында барлық турнирлерде 34 матч өткізіп, 11 гол соқты. Оның негізгі амплуасы — центрфорвард, бірақ ол шеткі шабуылшы және оң жақ жартылай қорғаушы позицияларында да ойнаған.

Дереккөздің айтуынша, футболшыны сатып алу пакеті бонустар мен кейін қайта сатудан түсетін пайыз шартын қоса алғанда 20-25 миллион еуроға дейін жетуі мүмкін. Салыстыру үшін: «Брайтон» AIK-тен 18 жастағы Задок Йоханнаны 21,5 миллион фунтқа сатып алған болатын.