«Балон Дор» номинанттары анықталды: «ПСЖ» тарихта бірінші рет 9 футболшысын қатарынан екінші жыл номинацияға қосты

Париждік клубтан Ашраф Хакими, Нуну Мендеш, Витинья, Жоау Невеш, Фабиан Руис, Хвича Кварацхелия, Уиллиан Пачо, Маркиньос және Усман Дембеле номинацияға енді. Дембеле бұған дейінгі маусымда осы сыйлықты жеңіп алған болатын.

Мюнхендік «Бавариядан» небәрі төрт футболшы тізімге кірді — бұл «ПСЖ-мен» салыстырғанда едәуір аз көрсеткіш.

Сонымен қатар «ПСЖ-дан» жазда «Ливерпульге» ауысқан Брэдли Барколаның есімі тізімде жоқ. Клубтың тұрақты ойыншысы Дезире Дуэ де номинацияға енбей қалды.

Бұрын мадридтік «Реал» бір маусымда тоғыз номинант қойған тарихи рекорд орнатқан-ды. Дегенмен қатарынан екі маусымда бірдей тоғыз футболшыны номинацияға қосқан клуб бұған дейін болмаған — «ПСЖ» өткен «Балон Дор» кезеңінде де дәл сондай көрсеткішке қол жеткізген еді.