«Валенсия» жанкүйерлері 5:0 жеңілістен кейін президенттің кетуін талап етті

6 қыркүйекте өткен матчта Ламин Ямал екі гол соғып, ерекше көзге түсті. Оған қоса Рафинья, Фермин Лопес және Педри бір-бірден гол соғып, есепті 5:0-ге жеткізді.

Бұл жеңіспен «Барселона» жаңа маусымдағы төртінші жеңісін тізді. Алғашқы төрт кездесуде команда өз қақпасынан небәрі 2 гол өткізіп, қарсыластарының қақпасына 17 доп енгізді. Ал «Валенсия» маусымды тең ойыннан бастаған соң, қатарынан үшінші рет жеңіліс тапты — соңғы төрт матчта команда бар-жоғы бір гол соқты. Клуб қазір турнир кестесінің соңғы жолында тұр.

Матч барысында ұйымдасқан жанкүйер топтарының бір бөлігі трибунаның бір бөлігін бос қалдырды. Команда ойыншылары мен бас бапкер Карлос Корберан матчтың басында да, соңғы ысқырықтан кейін де сынға ұшырады.

Матчтан кейін бірнеше мың жанкүйер «Местальяның» алдына жиналып, наразылық акциясын өткізді. Оқиға кезінде ешқандай зорлық-зомбылық тіркелген жоқ.

Атап өтерлігі, 2025 жылдан бері клуб президенті қызметін атқарып келе жатқан Киат Лим осы кездесуде «Местальяда» тұңғыш рет трибунада болды.