Жаңалық 29 тамыз 2026
Сәтпаев 29 тамызда «Бернлидің» бастапқы құрамында алғаш рет ойнайды
Фото: kff_team
Қазақстан құрамасының шабуылшысы, 18 жастағы Дастан Сәтпаев ағылшын Чемпионшипінің үшінші турында «Норвичке» қарсы матчта «Бернлидің» бастапқы құрамында тұңғыш рет алаңға шығады.
Кездесу 29 тамызда Қазақстан уақытымен сағат 19:00-де өтеді, «Бернли» үшін бұл сапарлы матч.
Сәтпаев «Бернли» құрамында Чемпионшиптің екінші турында «Вест Бромвичке» қарсы дебют жасаған болатын — ол алаңға 57-минутта шығып, 33 минут ойнады. Сол кездесуде «Бернли» 1:3 есебімен ұтылды.
Тағы оқыңыз
Олд Траффордта гонконгтық блогер Сәтпаевпен суретке түсті
26 тамызда шабуылшы ағылшын Лига кубогының екінші айналымында «Брэдфорд Ситиге» қарсы алғаш рет бастапқы құрамда шықты. Негізгі уақытта кездесу 0:0 есебімен тең аяқталып, 11 метрлік соққылар сериясында «Брэдфорд Сити» 4:2 есебімен басым түсті.
Қазіргі таңда «Бернли» екі турдан кейін бар-жоғы бір ұпай жинап, кестенің 17-орнында тұр. Ал қарсылас «Норвич» ұпайсыз қалып, 23-орында тұр.
Тағы оқыңыз
Дереккөздер: amanvibe.kz