«Қайрат» УЕФА Конференциялар лигасында «Твентеге» қарсы шығады — Голландия БАҚ-ы жеребені қолайлы деп бағалады

Жеребе нәтижесі бойынша «Твенте» өз алаңында «Қайратпен» қатар «Пафоспен» және «Тунмен» кездеседі. Ал сапарлық кездесулерде нидерланд клубы «Фрайбургпен», «Линкольн Ред Импспен» және «Орхуспен» сынға түседі.

Нидерландтық FCUpdate басылымы жеребені «Твенте» үшін қолайлы деп бағалады. «Екінші себеттен «Брайтон» түсуі мүмкін еді, бірақ «Пафос» тиді. Үшінші себеттен — «Хетафе» емес, «Линкольн Ред Импс». Төртіншісінен — «Трабзонспор» емес, «Қайрат» түсті. Бір сөзбен айтқанда, «Твентенің» шағымданарлық түгі жоқ: ұпай жинауға жеткілікті мүмкіндігі бар», — деп жазды басылым.

VoetbalNieuws басылымы да жеребе нәтижесін «Твенте» үшін үміт күттіретін деп сипаттады.

«Твенте» — «Қайрат» кездесуінің күні кейінірек жарияланады.

Еске сала кетейік, «Қайрат» — Қазақстан чемпионы.