Жаңалық 28 тамыз 2026
Тұрлов Қарағанды футболына 18,5 млрд теңге бөлетінін айтты
Фото: timurturlov.com
Қарағандылық «Шахтер» Бірінші лиганың 20-турында «Елімайды» 3:0 есебімен жеңіп, маусым аяқталуына алты тур қалғанда премьер-лигаға көтерілу жолдамасын мерзімінен бұрын қамтамасыз етті. Осыдан кейін Freedom Holding Corporation басшысы Тимур Тұрлов клуб пен өңір футболына 18,5 млрд теңге бөлу жоспарын жариялады.
«Елімайға» қарсы матчта Андрей Ульшин, Нұрхан Қағазбаев және Артем Литош гол соқты. Жеңістен кейін «Шахтер» 55 ұпай жинады. Кестеде екінші орында тұрған «Қайрат-Жастық» ереже бойынша премьер-лигаға көтерілу мүмкіндігінен айырылды.
«Шахтер» — 2011 және 2012 жылдардағы Қазақстан чемпионы, ал 2013 жылы УЕФА Еуропа лигасының топтық кезеңіне жолдама алған тұңғыш қазақстандық клуб. 2025 жылдың қарашасында клуб Freedom Holding Corp меншігіне өтті.
Тағы оқыңыз
Тұрлов төрт жылда қазақ футболына 35 миллиард теңге құйды
Тұрлов клубты премьер-лигаға мерзімінен бұрын оралуымен құттықтап, өңір футболы үшін ірі жоспарларын жариялады: 12 млрд теңге жабық алаңы, жатақханасы және медициналық орталығы бар футбол академиясын салуға, ал 6,5 млрд теңге жастар мен бұқаралық спортты дамытуға бағытталады.
Тағы оқыңыз
Дереккөздер: amanvibe.kz