Жаңалық 28 тамыз 2026
Қалмұрза «Андерлехтке» жеңілген матчта 5 доп қағып шығарып, командадағы ең жоғары бағаны алды
Фото: thesun.ie
УЕФА Еуропа лигасының плей-офф кезеңінің жауап матчында алматылық «Қайрат» бельгиялық «Андерлехтке» 3:0 есебімен ұтылды. Кездесудегі ең үздік ойыншы — 18 жастағы қақпашы Шерхан Қалмұрза болды.
Жас қақпашы кездесуде 90 минут бойы алаңда болып, 5 добты қағып шығарды. Соның нәтижесінде ол 7,5 балл алып, «Қайрат» сапындағы ең жоғары бағаға ие болды. Команданың орташа көрсеткіші 6,1 баллды құрады.
«Андерлехттің» голдарын Михайло Цветкович (45+2-минутта, 11 метрлік айып добынан), Даниил Сикан (53) және Жюльен Бьяншон (71) соқты.
Алматыда өткен бірінші кездесу де дәл сондай 3:0 есебімен «Андерлехттің» пайдасына аяқталған болатын. Екі матчтың қорытындысы бойынша бельгиялық клуб 6:0 жалпы есеппен басым түсіп, УЕФА Еуропа лигасының топтық кезеңіне жолдама алды.
«Қайрат» болса УЕФА Конференциялар лигасының топтық кезеңінде бақ сынайды.
Тағы оқыңыз
Дереккөздер: amanvibe.kz