«Тоттенхэм» Мармушты сатып алу міндеттемесімен жалға алды
27 жастағы Мармуш «Тоттенхэмде» медициналық тексеруден өтеді. «Манчестер Сити» оны 2025 жылдың қаңтарында франкфурттік «Айнтрахттан» 59 миллион фунтқа сатып алған болатын.
«Сити» құрамында Мармуш 62 матчта 16 гол соқты. Дегенмен ол «Борнмутқа» қарсы бастапқы турдағы кездесуде ойынға шықпай, қордада отырды. Ойыншының соңғы шығуы бір апта бұрынғы Community Shield кездесуінде болған.
«Тоттенхэм» бұған дейін «Манчестер Ситиден» Савионы 75 миллион фунтқа сатып алған еді. Ағымдағы трансфер терезесінде клуб Сандро Тонали, Матеус Фернандеш, Ян Пауль ван Хекке, Энди Робертсон және Маркос Сенесиді де құрамына қосқан.
«Манчестер Сити» Мармуш үшін «Айнтрахт Франкфуртқа» барлық міндеттемесін өтеп үлгерген. Тараптар арасындағы келісімде қайта сату кезінде пайыз алу шарты көзделмеген.
