Лапорта: «Барселона» Альваресті сатып алуға үмітін үзген жоқ
«Vox Populi-ге сәйкес, ойыншының «Барсаға» қосылғысы келетін сияқты. Біз үмітімізді үзбей, «Атлетикоға» деген барлық құрметпен, оны сатып алу жоспарымызды ұстанып отырмыз», — деді Лапорта.
Жаз айларында «Барселона» Альварес үшін 100 миллион еуродан асатын ұсыныс жасаған, бірақ «Атлетико» оны қабылдамаған. «Мадридтің» ұсынысы туралы да айтылған — 150 миллион еуро. «Арсенал» мен ПСЖ де ойыншыға қызығушылық танытқан.
«Атлетико» Альваресті жасырын сөйлескені үшін «Барселонаға» қатысты ФИФА мен Испания футбол федерациясына шағым түсірген. Клуб басшылығы ойыншыны сатпайтынын, оның орнын басатын футболшы жоқтығын алға тартқан.
«Атлетиконың» «Вильярреалмен» 2:2 есебімен аяқталған соңғы матчында 26 жастағы аргентиналық шабуылшы жанкүйерлердің ысқырығына тап болып, матч соңында командаластарынан бөлек, алаңнан жалғыз кетті.
«Трансфер барлық тарапқа тиімді болар еді», — деген Альварестің сөзі бұрын жарияланған еді.
