Жаңалық 25 тамыз 2026
Зайнутдинов Қарағанды «Шахтеріне» ауыспайды — ресейлік Telegram-арна жоққа шығарды
Фото: sports.kz
Қазақстан құрамасының ойыншысы Бахтиер Зайнутдиновтың мәскеулік «Динамодан» қарағандылық «Шахтерге» ауысуы туралы ақпаратты ресейлік «Mutko protiv» Telegram-арнасы теріске шығарды.
«Қазақстандық БАҚ «Динамо» футболшысы Бахтиер Зайнутдиновтың «Шахтерге» ауысуы мүмкін деп хабарлап отыр. Олардың айтуынша, 28 жастағы футболшы соңғы рет 2025 жылдың қазан айында алаңға шыққан және клуб ауыстырғысы келеді. Бірақ бұл — жалған. Біздің мәліметімізше, Бахтиер жарақаттан тезірек айығып, алаңға оралуды армандайды. Кем дегенде қыс мезгілі өткенше ол ешқайда кетуді жоспарламайды», — делінген арна хабарламасында.
Тағы оқыңыз
Зайнутдинов «Бешикташтан» Мәскеудің «Динамосына» 2,5 миллион еуроға ауысты
Зайнутдинов «Динамоға» 2025 жылдың 28 шілдесінде түркиялық «Бешікташтан» ресми түрде ауысқан болатын. Ол клубтағы дебют маусымында Ресей премьер-лигасында 8 матч өткізді.
Тағы оқыңыз
Дереккөздер: www.sports.kz