Sporza.be журналисі: Анарбековтің ойынына көңілім қатты қалды

Алматыда өткен бірінші кездесуде «Андерлехт» қонақтарды 3:0 есебімен жеңген. Голдың бірін Амброс соғып, ал «Қайрат» құрамында Широбоков қызыл карточка алған.

Ван Де Вайердің бағалауы бойынша, бельгиялық клуб қиын жағдайға қарамастан ойынды толық бақылауда ұстады. «Бірінші ойын «Андерлехт» үшін идеал сценарий болды. Ұзақ жол мен өте жаман алаң сияқты қиындықтарға қарамастан, ертең керемет болмаса, команда келесі раундқа жолдаманы қамтамасыз етіп қойды», — деген ол.

Журналист «Андерлехттің» ойынын жетілген деп бағалады: «Команда сапалы сәттермен есте қалатын жетілген ойын көрсетті. Мысалы, Амбростың соққысы. Сонымен қатар стандартты жағдайлардан тиімді ойындар болды».

Ал Sporza.be журналисі қақпашы Анарбековтің ойынына қатты сын айтты. «Анарбековтің ойынына көңілім қатты қалды. Бельгия құрамасына қарсы керемет ойыннан кейін күткен деңгей жоғары болды, бірақ өткен аптада ол өз қалыбынан алшақ болды. Бірінші голдағы қате, сондай-ақ келесі эпизодтардағы сенімсіз ойын», — деді ол.

Ван Де Вайердің сөзінше, бельгиялық баспасөз тұтастай «Қайраттың» ойынына, әсіресе Анарбековқа қатты көңілі қалған: «Біз «Қайраттан» «Брюггеге» жетпейтін «Андерлехтке» бәсеке құра алады деп күттік. Бірақ бұл болмады».

Екінші кездесу 2026 жылғы 24 тамызда Брюссельде өтеді, матч Қазақстан уақыты бойынша сағат 23:30-да басталады. Ван Де Вайердің айтуынша, «Андерлехт» осы матчта жеңіске жоспар құрып отыр: «Андерлехт» жеңіске ойнайды, өйткені «Юнионмен» дербиге дейін позитивті көңіл-күй мен сенімділік сақтап қалғысы келеді. Сондай-ақ бельгиялық коэффициентке қосымша ұпай жинағысы келеді».