Сәтпаев «Бернли» құрамында дебют жасады: TalkChelsea.net жас шабуылшыны жоғары бағалады

Чемпионшиптің екінші турында «Бернли» «Вест Бромвичтен» 1:3 есебімен ұтылды. Сәтпаев алаңға 67-минутта шықты, бірақ нәтижелі әрекетімен көзге түсе алмады.

TalkChelsea.net сайтының бағалауынша, жас шабуылшы дебютінде өзін жақсы көрсетті. «Жас шабуылшы керемет ойнады, оның шығармашылығы «Бернлиге» тиімді жалдау шартын жасауға көмектескен болуы керек», — деп жазды басылым.

Сонымен қатар сарапшылар ойыншының кейбір сәтсіз әрі абыржыған сәттерін де атап өтті. «Бұл — жаңа әрі әлдеқайда жоғары деңгейде алғашқы минуттарын өткізіп жүрген 18 жастағы футболшы үшін күтпеген жайт емес», — делінген материалда.

«Оның жақын арада негізгі құрамнан орын алатынына сенімдіміз», — деп қорытындылады TalkChelsea.net.