Сәтпаев «Бернли» құрамында дебют жасады, бірақ команда сыртта ұтылды

Матчтан кейін «Бернлидің» бас бапкері Ники Хейден жеңілісті ашық мойындады. «Бүгінгі жеңілісіміз әбден заңды. Қарсылас алаңда бізден белсенді ойнады, жекпе-жектерде басым түсті», — деді ол.

Бапкердің айтуынша, команда өткен аптадағы деңгейін көрсете алмады. «Біз тым баяу ойнадық. Егер ең жоғары деңгейімізде ойнасақ, біз шынымен күшті командамыз. Ал бүгінгідей ойнасақ, орта топтағы қарапайым команда боламыз», — деп атап өтті Хейден.

Сәтпаев — «Челси» ойыншысы. Ол 2024 жылдың жазынан бері клубта, ал алғашқы голын клубтың дайындық кездесулерінің бірінде соғып үлгерген. «Челси» шабуылшыны 2026/27 маусымының соңына дейін «Бернлиге» жалға берді. Ол — алматылық «Қайрат» академиясының түлегі.

«Бернли» кезекті кездесуін Ағылшын лигалар кубогының 1/32 финалында сыртта «Брэдфорд Ситиге» қарсы өткізеді.