«Ливерпуль» 99-минуттағы 11 метрліктен «Ньюкаслмен» тең түсті

Кездесудің басында есепті Энтони Эланга ашты. Екінші таймда Коди Гакпо есепті теңестіргенімен, Джо Уиллок «Ньюкаслды» қайта алға шығарды. Тек 99-минутта Собослаи соққан 11 метрлік доп «Ливерпульге» ұпай алуға мүмкіндік берді.

Бапкер Арне Слот кездесу қорытындысы бойынша ашық пікір білдірді. «Соңында гол соққандықтан, дәмі жақсырақ сияқты көрінеді. Матч алдында бұл нәтижеге келісер едік», — деді ол.

Слоттың айтуынша, команда бас тартпай, соңына дейін қысым жасаған. «Біз ешқашан қол қусырып отырған жоқпыз. «Ньюкаслға» қатты қысым жасадық, тек соңына дейін күтуге тура келді», — деді бапкер.

Бұрынғы клубына қарсы шыққан Александр Исак пен ойынға ауыстырылып шыққан Виктор Муньос туралы да Слот жылы пікір білдірді.