«Реал Солт-Лейк» бос агент Вейналдуммен келіссөз жүргізді
The Athletic басылымының дереккөздері хабарлағандай, «Реал Солт-Лейк» 35 жастағы Вейналдуммен сөйлескен. «Реал Солт-Лейк» Голландия жартылай қорғаушысымен келіссөз жүргізді», — дейді жағдайдан хабардар дереккөздер.
Олардың айтуынша, Вейналдумға клуб ұнаған және ол MLS-ке ауысуға қарсы емес, бірақ жақын арада келісімге қол жеткізілмейді.
«Аль-Иттифақтан» 2024 жылдың жазында кеткен Вейналдум қазір бос агент мәртебесінде жүр. Ол Нидерланды құрамасында 96 матч өткізген. Голландиялық жартылай қорғаушы «Фейеноорд», ПСВ, «Ньюкасл», «Ливерпуль», «Пари Сен-Жермен», «Рома» және «Аль-Иттифақ» құрамында ойнады. «Ливерпульде» ол 237 матч өткізіп, клубтың Чемпиондар лигасы мен Премьер-лига чемпионы атанған құрамының өзегі болды.
«Реал Солт-Лейк» бұған дейін Завьер Гозоны шамамен 15 миллион долларға сатқан болатын. Клубта Диего Луна мен Морган Гилавоги сынды ойыншылар бар. Команда құрамын күшейтуге берілген мерзім 2 қыркүйекте аяқталады.
