Жаңалық 22 тамыз 2026
«Барселона» Балде үшін 45 млн еуроға дейін баға қойды
Фото: getfootballnewsspain.com
Кансело келгеннен кейін «Барселонада» орны тарылған 22 жастағы сол жақ қорғаушы Алехандро Балдеге бирмингемдік «Астон Вилла» мен лиссабондық «Бенфика» қызығушылық танытты.
«Барселона» осы аптада Жоау Канселоның трансферін ресімдеп, каталон клубындағы Балдеге деген сенімнің азайғанын аңғартты. Ла Масия түлегінің агенті — Хорхе Мендес.
«Астон Вилла» мен «Бенфика» «Барселонаға» хабарласып, Балденің жағдайы мен трансфер бағасын сұрады. Дереккөздердің мәліметінше, каталон клубы ойыншы үшін 40-45 млн еуро сұрайды. Ал «Бенфиканың» бастапқы ұсынысы 20 млн еуродан аспайтын көрінеді.
Тағы оқыңыз
«Манчестер Юнайтед» «Барселонаның» қорғаушысы Балдемен ресми келіссөз бастайды
«Астон Виллаға» жоғары деңгейдегі сол жақ қорғаушы қажет. Осы орайда «Манчестер Юнайтед» те аталып жүр — клуб пен Мендес арасында әңгіме болғаны белгілі, дегенмен нақты ұсыныс түскен жоқ.
Трансфер терезесінің жабылуына 10 күн қалды.
Тағы оқыңыз
Дереккөздер: sports.yahoo.com