Жаңалық 21 тамыз 2026
TEAMtalk: «Ливерпуль» Забарныйды тек 2027 жылы ғана сатып ала алады
Фото: upload.wikimedia.org
TEAMtalk басылымының мәліметінше, «Пари Сен-Жерменнің» 23 жастағы қорғаушысы Ілля Забарныйға деген «Ливерпульдің» қызығушылығы 2027 жылға дейін іске аспайды — себебі клубтың қорғаныс желісі толық жасақталған.
Забарный бұған дейін «Борнмутта» Андони Ираоланың қол астында ойнап, жақсы деңгей көрсеткен. Ол «Динамо» Киевтен 2023 жылы «Борнмутқа» ауысып, 2025 жылдың жазында «Пари Сен-Жерменге» шамамен 57 миллион фунтқа өткен.
TEAMtalk мәліметінше, «Ливерпульде» қазірдің өзінде «Барселонадан» жалдау шартымен келген Роналд Араухо, сондай-ақ Вирджил ван Дейк, Джереми Фримпонг, Джованни Леони және Джо Гомес бар. Араухоға аптасына шамамен 180 мың фунт жұмсалады.
«Забарныйдың келуі үшін клубта орын босату қажет болады, себебі қорғаушы негізгі құрамнан тыс қалғысы келмейді», — делінген TEAMtalk хабарламасында.
Ван Дейк пен Гомеcтің келісімшарты 2027 жылдың жазында аяқталады, ал Араухоның жалдау мерзімі де дәл сол уақытқа дейін созылады деп күтілуде.
Тағы оқыңыз
Дереккөздер: sports.yahoo.com