«Қайрат» «Андерлехтке» қарсы жауап кездесуінде резервпен ойнауы мүмкін

Бапкер Рафаэль Уразбахтин Бельгияға ойын уақыты аз футболшылар мен «Қайрат-Жастар» ойыншыларын апаруы ықтимал деп хабарланады.

Бұл шешімнің басты себебі — чемпионаттағы жағдай. «Дереккөздің мәліметінше, Рафаэль Уразбахтиннің шәкірттері чемпионатта «Ордабасыдан» төрт ұпай артта қалып отыр. Ұпай жоғалтуға болмайды, себебі алда команданы күрделі қарсыластар күтіп тұр — «Елімай», «Жеңіс», «Тобыл», «Астана», «Ақтөбе», — делінген хабарламада.

Осылайша «Қайрат» алдағы уақытта еуропалық турнирден гөрі ішкі чемпионаттағы позициясын нығайтуға басымдық беруі мүмкін.