Жаңалық 21 тамыз 2026
Евтеев: Чесноковқа Ресейде ойын уақыты табу маңызды
Фото: sports.kz
Ресейдің «Крылья Советов» клубына ауысқан Ислам Чесноковтың трансферіне қазақстандық құраманың бұрынғы ойыншысы Павел Евтеев баға берді.
Евтеевтің пікірінше, Чесноков үшін қазір ең маңыздысы — жаңа клубта тұрақты ойын уақытын иелену. «Исламға қазір ең бастысы — «Крылья Советовта» ойын уақытын алу. Оның Ресей премьер-лигасының клубына келіп, негізгі құрамға түспей қалғанын қаламас едім. Чесноков трансфер алдында осының бәрін ескерген деп сенемін. Оған сәттілік пен жаңа чемпионатқа тез бейімделуін тілеймін. Исламда өзін жарқын көрсетуге бәрі бар», — деді ол.
Тағы оқыңыз
Чесноков ойнамады: «Крылья Советов» «Акронды» жеңді
Еске сала кетейік, Чесноков 2026 жылдың қаңтарында еркін агент ретінде шотландиялық «Хартске» қосылып, клубпен бірге ұлттық чемпионатта екінші орын алған. Ол «Хартс» құрамында 11 матч өткізіп, бір гол соққан. 2026 жылдың маусымында футболшы қостанайлық «Тобылға» оралған, ал енді «Крылья Советовқа» ауысты.
Тағы оқыңыз
Дереккөздер: www.sports.kz