«ПСЖ» мен «Ренн» матчы «Роазон Паркке» ауыстырылды

Франция футбол лигасының (LFP) шешімімен матч «Ренн» алаңына ауыстырылды. Бұл туралы LFP мәлімдемесінде айтылған.

«17 тамызда «ПСЖ» бізге «Парк де Пренс» алаңының жағдайы туралы хабарлады. 19 тамызда таңертең LFP мамандандырылған инженерлік компаниямен бірге алаңды тексерді. Тексеру нәтижесінде алаңның қазіргі жағдайы ойыншылардың қауіпсіздігін қамтамасыз ете алмайтыны анықталды», — делінген хабарламада.

Сонымен қатар «ПСЖ»-нің португалиялық қорғаушысы Нуну Мендештің тәртіптік жазасы белгілі болды. Ол «Лансқа» қарсы Чемпиондар кубогы матчында алаңнан қуылған еді. Париж клубы апелляция бермей, Мендештің үш лига ойынына дисквалификациялануын қабылдады.

Ал «ПСЖ» шабуылшысы Брэдли Баркола жаңа келісімшартқа қол қоймай, клубтан кеткісі келетінін айтқан. «Ливерпуль» оны сатып алу мәселесін талқылап отыр. «ПСЖ» футболшы үшін 140 миллион фунт сұрайды.