«Брайтон» ойыншылары 407 жанкүйердің билет ақысын өз қалтасынан төледі

Бейсенбі күні кешке «Брайтон» Конференциялар лигасының плей-офф кезеңінде Норвегияның «Тромсё» клубымен кездеседі. Солтүстікке 407 жанкүйер барады — олардың барлығына билет ақшасын команда ойыншылары қайтарады. Сонымен қатар жанкүйерлерге шарф пен футболка да сыйға тартылады. Ақша матчтан кейін бірнеше күн ішінде қайтарылады.

«Жанкүйерлер соңғы сәтке дейін қайда баратынын білмеді. Бұл олар үшін ұзақ сапар, бәрін соңғы минутта ұйымдастыруға тура келді. Біз маусымды жанкүйерлер үшін жақсы бастағымыз келді, сондықтан билет ақшасын бірлесіп қайтаруды жөн көрдік», — деді команда капитаны Льюис Данк.

Оның айтуынша, бұл қадам жанкүйерлер мен команда арасындағы байланысты нығайта түседі.

Былтыр «Брайтон» Англия премьер-лигасын сегізінші орынмен аяқтап, екі кездесуден тұратын плей-оффқа жолдама алды. «Тромсё» болса «Клужды» екі ойынның қорытындысы бойынша 7:1 есебімен ұтып, «Брайтонмен» кездесуге жетті. Бұл — «Брайтонның» жаңа маусымдағы алғашқы ресми ойыны. Ал 23 тамызда команда премьер-лигада «Астон Вилланы» қабылдайды.