Жаңалық 19 тамыз 2026
«Витебск» Төреқұлдың қатысуымен «Барановичиді» ұтып, көш басына шықты
Беларусь чемпионатының 18-турында «Витебск» «Барановичиді» 2:0 есебімен жеңді. Қазақстандық шабуылшы Ерсұлтан Төреқұл бұл матчта қосалқы құрамнан ойынға қосылды.
Матчтың алғашқы минутынан-ақ «Витебск» басымдық танытты. 9-минутта Бассеку Диабате есеп ашса, 21-минутта Захар Волков айып добынан соққан голымен есепті 2:0-ге жеткізді.
Төреқұл кездесуді қосалқы құрамда бастап, 62-минутта Михаил Бондаренконың орнына алаңға шықты.
Бұл жеңістен кейін «Витебск» 15 матчта 34 ұпай жинап, қосымша көрсеткіштер бойынша «Ислочьті» артта қалдырып, турнир кестесінде бірінші орынға көтерілді. «Барановичи» 18 кездесуде 17 ұпаймен 12-орында тұр.
Тағы оқыңыз
Дереккөздер: www.sports.kz