Қазақстан кубогының жартылай финалында топ-топ болып төбелес шықты

Оқиға матчтың 50-минутында болды. «Алтай» қорғаушысы Неманья Мичевич пен «Ордабасының» жартылай қорғаушысы Эльхан Астанов алдымен бір-біріне ауызша тіл тигізіп қалды, сосын «Алтай» ойыншыларының бірі Астановты итеріп жіберді. Осыдан соң екі команда футболшысының арасында жаппай төбелес басталды.

Бас төреші жанжалды тоқтатып, сары карточкаларды үлестірді: Неманья Мичевич, Сергей Малый және Эльхан Астанов ескерту алды.

Бірінші жартылай финал матчында «Ордабасы» 3:1 есебімен жеңіске жеткен болатын. Жариялау сәтінде жауап кездесуінде де шымкенттіктер 2:1 есебімен алда келеді.