Голланд журналисі: Де Йонгтың «Барселонадағы» соңғы маусымы басталды

Дриссен бұл пікірді De Telegraaf басылымының подкастында айтты.

«Ол жиі жарақат алды, оны бұрын да клубтан жібергісі келген, ал енді Родри келді. Жарақат алып жүргенде оны сатады деп ойламаймын, бірақ бұл — оның «Барселонадағы» соңғы маусымы деп есептеймін», — деді журналист.

Оның айтуынша, де Йонг бұрын мансабының соңына дейін «Барселонада» қалғысы келетінін айтқан болатын. «Бұл — бірен-саран ойыншыға ғана бұйыратын артықшылық. Ол 35 жасқа дейін негізгі құрамда тұрақты ойнайды деп ойламаймын. Қысқасы, мансабын осында аяқтамайды», — деп атап өтті Дриссен.

Сарапшы Родри мен де Йонгтың бір позицияда ойнайтынын еске сала отырып, екеуінің қатар ойнауын елестете алмайтынын жеткізді. Сондай-ақ де Йонгтың шабуылға көбірек қатысуы қажет екенін, бірақ мұны ол ешқашан меңгере алмағанын сынға алды.

Қазір «Барселонаның» бас бапкері — Ханс-Дитер Флик, ал де Йонгтың өзі жарақат салдарынан ойыннан тыс қалып отыр.