Жаңалық 12 тамыз 2026
Уразбахтин: Круз Люксембург құрамасынан айырылғысы келмеді
«Қайрат» бас бапкері Рафаэль Уразбахтин португалдық «Бенфиканың» жартылай қорғаушысы Томас Крузды клубқа неге тарта алмағанын түсіндірді.
«Шешуші рөлді Люксембург құрамасының бапкерлер штабының ұстанымы ойнады. Футболшыға ұлттық құрамадағы орнынан айырылып қалмау үшін Қазақстанға көшпеуге кеңес берілген», — деді Уразбахтин.
21 жастағы Крузға шілдеде «Қайратпен» қатар румыниялық «Динамо» (Бухарест) да қызығушылық білдірген. Ол — «Порту» мен неміс «Ганноверінің» академиясының түлегі, қазір «Бенфиканың» екінші құрамында ойнайды. 2024 жылдан бері Люксембург құрамасына тұрақты шақырылып жүрген жартылай қорғаушының Transfermarkt бағалауы бойынша нарықтық құны — 450 мың еуро.
Еске салайық, «Қайрат» УЕФА Чемпиондар лигасының іріктеу кезеңінен шығып қалған.
Тағы оқыңыз
Дереккөздер: amanvibe.kz