Жаңалық 11 тамыз 2026
«Тобол» УЕФА Конференциялар лигасының жауап матчына дайын, қарсылас Қостанайға ұшып келді
Фото: sports.kz
Белградтық «Партизан» УЕФА Конференциялар лигасы іріктеу кезеңінің үшінші раундында қостанайлық «Тоболға» қарсы өтетін жауап матчы үшін Қазақстанға ұшып келді.
Кездесу 13 тамызда Қостанайда өтеді, матч сағат 20:00-де басталады.
Белградта өткен алғашқы кездесуде «Партизан» есепті 3:0 өз пайдасына шешкен болатын. Осы басымдықпен серб клубы қайтарым кездесуге аттанды.
«Партизанның» ресми Instagram-парақшасында клубтың ұшаққа отырғаны туралы «Ұшып барамыз! Белград — Қостанай» деген жазба жарияланды.
Екі кездесудің жеңімпазы Конференциялар лигасы іріктеуінің плей-офф кезеңінде испандық «Хетафемен» кездеседі.
Тағы оқыңыз
Дереккөздер: www.sports.kz