Жаңалық 8 тамыз 2026
«Атырау» — «Ақтөбе» кездесуіне бас төреші тағайындалды
ҚФФ-ның төрешілік және қадағалау департаменті Қазақстан премьер-лигасының 21-туріне қызмет көрсететін төрешілер құрамын жариялады. 9 тамызда өтетін «Атырау» — «Ақтөбе» матчының бас төрешісі болып көкшетаулық Антон Кучма тағайындалды.
Оған көмекші төрешілер қатарында астаналық Тимур Тұрсымбаев пен таразық Әлішер Мыңбаев бар. Қосалқы төреші қызметін шымкенттік Муродбек Халилов атқарады.
Матчта VAR жүйесінде өскемендік Антон Молтусинов, AVAR ретінде семейлік Станислав Лесив жұмыс істейді. Кездесуге түркістандық Құрманбек Ордабаев инспектор болып бекітілді.
Тағы оқыңыз
Дереккөздер: t.me