Әлем футболы 6 тамыз 2026
Форлан Уругвай құрамасының уақытша бас бапкері болды
47 жастағы Диего Форлан Уругвай ұлттық құрамасының уақытша бас бапкері қызметіне тағайындалды. Ол Марсело Бьельсаның орнын басты.
Бьельса ӘЧ-2026-да Уругвай топтық кезеңнен өте алмағаннан кейін құрамадан кеткен болатын. Форлан күзгі жолдастық кездесулерде команданы басқарады, ал тұрақты бапкер келесі жылы тағайындалады. Сонымен қатар ол Уругвайдың U20 құрамасына да жетекшілік етеді.
Форлан — 2010 жылғы әлем чемпионатының үздік бомбардирі. Ол Уругвай құрамасы сапында 112 матчта 36 гол соққан. Форвард 2015 жылы ойыннан қол үзген.
Бапкерлік жолында Форлан бұған дейін «Пеньярол» мен «Атенас» клубтарын басқарған.
Тағы оқыңыз
Дереккөздер: www.skysports.com