Трансфер 29 шілде 2026

«Брентфорд» Мали құрамасының ойыншысын сатып алуға жақындады

Ағылшынның «Брентфорд» клубы «Ланстың» жартылай қорғаушысы Мамаду Сангарені сатып алу жөнінде алдын ала келіссөз жүргізіп жатыр. Трансфер сомасы 48 миллион еуро деп көрсетілуде.

Мали құрамасының ойыншысы Сангаре өткен жазда «Рапид Венадан» «Ланс» сапына қосылған болатын. Осы маусымда «Ланс» Франция чемпионатында «Пари Сен-Жерменнен» алты ұпай артта қалып, екінші орынды иеленді.

Сангаре маусым қорытындысы бойынша Лига 1-дің үздік құрамасына енді.

Тағы оқыңыз

Сарапшылар: Сангаренің «Тоттенхэмге» қарсы ойыны «Ливерпульдің» назарын аударуы мүмкін

Ойыншыға «Кристал Пэлас» клубы да қызығушылық танытып отыр. Атап айтқанда, аталған клубтың бас бапкері Пьер Саж бұрын «Ланста» жұмыс істеген.

Сангаренің қай клубқа ауысатыны әзірге белгісіз.