«Рейнджерс» Макиннеске салынған тыйымға наразылық білдірді

Жаза Макиннеске мамыр айында, ол әлі «Хартс» бапкері болған кезде айтқан сөзі үшін тағылды. Ол кезде Макиннес «Мотеруэллмен» кездесуінде «Селтикке» берілген 11 метрлік айып добы туралы шешімді «жиіркенішті» деп бағалаған. Соның салдарынан оның SFA-ның тәртіптік 72-ережесін бұзғаны танылды.

Төрт матчтық тыйымның үшеуі міндетті, ал біреуі маусым аяқталғанға дейін кейінге қалдырылған.

«Мен қатты ренжідім, жаза кінәға сай емес деп ойлаймын», — деді Макиннес.

«Рейнджерс» клубы да бапкерін қолдап шықты: «Деректің матч тағдырын шешкен сол шешім туралы пікірін төрешілердің біліктілігіне не адалдығына шабуыл деп есептемейміз. Оның сөзі нақты шешімге қатысты айтылған, төрешілерге жалпы сын емес», — делінген клуб мәлімдемесінде.

Шағым сейсенбі не сәрсенбі күні, әйтеуір жұма күнге дейін тапсырылатыны айтылады. Апелляция қаралғанға дейін Макиннес командасын бапкерлер алаңынан басқаруға құқылы.

«Рейнджерс» жаңа маусымды жұма күні кешке «Данди Юнайтедпен» сыртта өтетін матчпен ашады.